Ресейлік Никита Кислицинді экстрадициялау туралы сауал АҚШ пен Ресейден түскен. Бұл жағдайға қатысты бас прокуратураның ресми өкілі Дархан Дүйсембай пікір білдірді.
Ресейлік киберқауіпсіздік бойынша F.A.C.C.T компаниясының қызметкері, "Хакер" журналының бұрынғы бас редакторы Алматыда АҚШ билігінің арызы бойынша шілденің соңында ұсталған.
"Бүгінгі таңда бас прокуратураға аталған екі елден де күдіктіні беру туралы сауал түсті. Бұл бойынша экстрадициялық тексеріс жүргізіледі", – деді Дүйсембай.
Ал 2023 жылдың 1 тамызында Алматыдағы тергеу соты Кислицинге қатысты экстрадициялық хамауға алу туралы прокурордың арызын қанағаттандырды.
"Күдіктіні беру мәселесі сот қарауында болмады, себебі олар процессуалдық заңға сәйкес прокуратура органдарының құзырында. Ресей мен АҚШ-тың Кислицин Н.И.-ге қатысты сауалдары бойынша шешімді бас прокуратура экстрадициялық тексеріс аяқталған соң халықаралық келісімдер мен ұлттық заңнамаға сәйкес қабылдайды", – деп түсіндірді ведомство өкілі.
