Менингиттің таралуына Алматыдағы зертхананың қатысы бар ма?

image_750x_5b150781ca6d1.jpg

Алматыдағы орталық референс-зертхананың қызметі мен менингиттің таралуы арасында ешқандай байланыс жоқ. Бұл туралы ҚР денсаулық сақтау министрі Елжан Біртанов мәлімдеді, деп хабарлайды Sputnik Қазақстан тілшісі. 

Біртанов орталық референс-зертхана Қазақ зоонетикалық аурулар институтының базасында жұмыс істейтінін айтты. Аталған ғылыми орталықтың ашылғанына біраз болған, онда осы уақыт бойы Қазақстан аумағында таралған аса қауіпті инфекциялардың штаммдары сақталған. 

"Шынымен де, америкалық әріптестердің көмегімен қауіпсіздігі жоғары заманауи зертхана салынды. Енді сол штаммдар қауіпсіз жерде сақталады. Менингит штаммына қатысты айтар болсам, бұл халық арасында күнделікті айналып жүретін штаммдар. Олар зертханада сақталуы тиіс аса қауіпті инфекция санатына жатпайды. Аталған референс-зертханада вирус таралатындай төтенше жағдай болған жоқ", — деді Біртанов Астанада өткен баспасөз мәслихатында. 

Айта кетсек, Алматыдағы орталық референс-зертханада оба, Сібір жарасы, бруцеллез секілді аса қауіпті жұқпалы аурулар, соңғы жылдары шет мемлекеттерде пайда болған Зико, Мерс және Эбола сынды вирустар да зерттеледі. Аса қауіпті патогендер зертханада барлық халықаралық және отандық стандартпен сақталады. 

Жыл басынан бері республикада 58 адам менингитпен тіркелді, оның арасында 18 науқас – 14 жасқа дейінгі балалар. Аталған аурудан 12 адам көз жұмды, олардың ішінде бесеуі – 14 жасқа дейінгі балалар.

Өңірлер арасында менингит жұқтырғандар саны ең көп Алматыда тіркелген – 32 адам, Ақмола облысында – 2, Ақтөбе – 3, Алматы облысында – 4, ШҚО – 4, Жамбыл, Қарағанды, Қызылорда облыстарында – 1, Павлодар – 2, ОҚО  мен Астанада – 4.


Мүмкін сізді қызықтыратын тақырыптар:

  • Түркістанда бірнеше отбасы алаяқтарға алданып қалды
  • 60 қойын сатып, 2 млн теңге шығынға батырды
  • 213 МЛН. ТЕНГЕ ПОСТУПИЛО НА СЧЕТ КОРПОРАТИВНОГО ФОНДА СОЦИАЛЬНОГО РАЗВИТИЯ «ТҮРКІСТАН» ДЛЯ ПОСТРАДАВ
  • АРЫС ҚАЛАСЫ МАҢЫНАН АРНАЙЫ ЖЕДЕЛ ШТАБ ЖҰМЫС ІСТЕУДЕ
  • Сириядағы қазақтар бірін-бірі өлтіре бастады
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер