Қазақстанда дәретханасы далада орнатылған мектептердің 60 пайызы Түркістан облысында. Бұл туралы Өңірлік коммуникациялар қызметінде өткен брифингте облыстық Адами әлеуетті дамыту басқармасының басшысы Рахымбек Жолаев мәлімдеді, деп хабарлайды RGMEDIA.KZ ақпарат агенттігі.
– Республика бойынша дәретханасы далада орнатылған 2352 мектеп бар болса, соның 60 пайызы Түркістан облысында орналасқан. 2020 жылдың 1 қыркүйегіне дейін барлық мектептердегі ішкі дәретханалар қалпына келтіріліп, сыртқы дәретханалар санитарлық талаптарға сәйкестендірледі. Мектептерге түгел қоршаулар қойылады, – деді Рахымбек Қуатбекұлы.
Басқарма басшысының айтуынша, өңірдегі 900 мектептің 98 пайызында бейнебақылау жүйесі орнатылған. Жыл соңына дейін облысымыздағы мектептер бейнебақылау жүйесімен 100 пайыз қамтылмақ.