Жұмат Шанин атындағы Шымкент қалалық академиялық қазақ драма театрында 11 желтоқсан күні ҚР Тәуелсіздігінің 30 жылдығына арналаған М.Байғұттың «Жоғалған Жұрнақ» драмасының Премьерасы өтті. Премьераға қаланың зиялы қауым өкілдері, қоғам белсенділері, жастар қатысты. Қойылымға келушілер санында шек болмай, зал лық толды.
"Жоғалған жұрнақ" - 1986 жылы Кеңес Одағы тұсында Алматы қаласында болған көтерілісті баяндайды. Желтоқсан оқиғасында қаладағы жастар тәуелсіздік үшін бас көтеріп, ел егемендігі, еркіндік пен бостандық үшін күресті. Осы оқиғадан соң Кеңес Одағының іргесі ыдырып, ісі кері кете бастады. Сондықтан да желтоқсан оқиғасының ел тәуелсіздігінде маңызы өте зор. Бұл оқиғаны өскелең ұрпаққа насихаттаудың маңызы өте зор.
Жазушы Мархабат Байғұт осы оқиғаны драма етіп жазып, оны көрермен назарына ұсынды. Драманы Жұмат Шанин театры сахналады. Театрға келуші жастар қойылымды өте жоғары бағалап, қойылымның шығармашылық ұжымына зор алғыстарын білдірді. Жазушы Мархабат Байғұт осы қойылымды ұйымдастыруға ат салысқан Шымкент қаласының мәдениет басқармасына, театр ұжымына ризашылығын жеткізді.