Қазақ халқы қиын-қыстау заманда өзге ұлт өкілдерінің басына түскен ауыртпалықты қайыспай бірге көтере білді, бұл бүгінгі таңда еліміздегі түрлі ұлт өкілдерінің арасындағы адамгершілік қарым-қатынастың өнегелі өлшеміне айналды.
Кентау қаласында қазақшаға судай орыс келіншек тұрады. Елена Стребкова қазақ отбасына тұрмысқа шыққан.
Бүгінде әулетінің ғана емес, ұжымының да мақтанышына айналып үлгерген.
Ол Кентау қаласындағы №16 мектеп-гимназиясының қызметкері. Ағылшын тілінің мұғалімі. Бірнеше тілді үйреніп қана қоймай, сурдоаударманы да жетік меңгерген.
Өзі Талдықорған қаласының тумасы. Жолдасымен арман қала Алматыда танысып, ешқашан көрмеген Кентауға келін болып түскен. Оған да 10 жылға жуықтапты.
Содан бері қазақ тілін былай қойғанда, салт-дәстүр мен әдет ғұрыпты да бес саусағындай біледі.