Төлеби ауданы көлемінде дін саласындағы тұрақтылықты қамтамасыз ету және этносаралық қарым қатынас атты тақырыпта кездесулер өткізілді. Ағымдағы жылдың 22 қазан күні Төлеби аудандық ішкі саясат бөлімінің ұйымдастырумен және аудандық білім бөлімі мен бірлесе дін саласындағы ақпараттық-түсіндіру тобының 2024 жылға арналған жұмыс жоспарына сәйкес, Түркістан облысының дін істері басқармасы «Дін мәселелерін зерттеу орталығы» КММ-нің теолог мамандары Б.Абдрахман, Г.Бегжан және Төлеби ауданы ішкі саясат бөлімінің маманы А.Құрманалиев, АТТ мүшесі аудандық «Нұр» мешітінің найб имамы Ж.Жаппаровтың қатысуымен. Зертас, Тасарық ауылдық округіне қарасты Қ.Мамытов, Шомшақты, Ханарық, Оңтүстік ЖББМ жоғарғы сынып оқушылары арасында, «Шетелде діни білім алудың қауіптілігі», аудан көлемінде дін саласындағы тұрақтылықты қамтамасыз ету мақсатында және этносаралық қарым қатынас, ерте жүктілік, құмар ойын, мектептегі әлімжеттік, құқықбұзушылық атты тақырыпта ақпараттық-түсіндіру жұмыстары жүргізіліп, кездесу соңында қойылған сұрақтарға жауап берілді.
Бүгінгі таңда халқымыздың бейбітшілік пен келісімнің қазақстандық үлгісін әлемге танытушы елге айналып отыр. Әрбір қазақстандық азамат үшін ұрпақтар сабақтастығы арқылы тарихи қалыптасқан татулық, сенім мен тең құқықтылық ең маңызды қасиет. Сонымен қатар, Қазақстан халқы Ассамблеясы этносаралық және конфессияаралық қатынастар саласындағы мемлекеттік саясатты жүзеге асырушы маңызды құралға айналып, елімізде тұрмыс кешіп отырған барлық этностардың өзара тең құқықты қатынасын қамтамасыз етуші алаң рөлін атқаруда.
Кез келген елдің тілегі де, оның арманы да халқының бейбітшілігін сақтау екені сөзсіз. Елінің экономикасын дамытып, халқының қауіпсіздігін нығайту арқылы ішкі тұрақтылықты қамтамасыз етеді. Өйткені, бейбіт өмір бақыт, береке, бірлік әкелумен бірге, өрлеу мен өркендеуге жол ашады. Дана халқымыз: «Байлық байлық емес, бірлік – байлық», - деп бекер айтпаса керек. Бұқара халық әрдайым тыныштықта, мәңгілік бейбіт өмір сүруді армандайды. Ал ұрпағының амандығы – келешегінің кемелдігін білдіреді.