Түлкібас: Жергілікті сүт өндірісі талқыланды

Түлкібасты жергілікті өндіріс көлемін арттыру әлеуметтік-экономикалық маңызы бар мәселелердің бірі. Ағымдағы жылдың 15 маусымында аудандық мәслихаттың ХХХХХV сесиясында халық қалаулылары тарапынан «Майлыкент Сүт» ЖШС-нің сүт қабылдау бағасын 80-90 теңгеден 110 теңгеге жеткізу мәселесі көтерілген болатын. Бұл сүт өнімін өндірумен айналысатын аудан тұрғындарының өтініші.

image.png

Осыған орай аудан әкімі Н.Байғұт Рысқұлов ауылдық округінде орналасқан «Майлыкент Сүт» ЖШС-не арнайы барып, басшылық құрамымен кездесті. Кездесуде, қабылдайтын сүт бағасын көтеру мәселесі талқыланып, ағымдағы жылдың 20 маусым күні аталмыш кәсіпорын басшылығы мен ортада жүрген сүт жинаумен айналысатын кәсіпкерлер арасында 1 литр сүтті 110 теңгеден қабылдау мәселесі бойынша жиын өту жоспарлануда. Сол жерде аудандық кәсіпкерлік бөлімі, «Майлыкент Сүт» ЖШС-гі және сүт өнімін өндірумен айналысатын аудан тұрғындары тарапынан үш жақты келісім түзілетін болды.
Ауданымыздағы сүт өңдеумен айналысатын ірі кәсіпорынның бірі саналатын «Майлыкент Сүт» ЖШС-нің басшылық құрамы алдағы уақытта жұмыс ауқымы жоспардағыдай болған жағдайда сүт бағасын тағыда көтеруді жоспарлап отырғанын айтты.
Осылайша Түлкібас ауданында аудан әкімдігі тарапынан тұрғындардың барлық сындарлы өтініш-тілектерін жедел әрі тиімді қарастырылып, «Халық үніне құлақ асатын мемлекет» тұжырымдамасын іске асыруда.
Айта кетерлік, жоғары сападағы экологиялық таза сүттен жасалатын «Майлыкент-сүт» ЖШС-ң өнім түрлері, бүгінгі таңда ауданда ғана емес, еліміздің басқа өңірлерінде де жоғары сұранысқа ие.
«Бизнестін жол картасы-2020» бағдарламасы аясында жеңілдетілген несие алып, бүгінгі таңда қарқынды жұмыс істеп тұрған сүт өндеу цехы күніне 5 тонна сүт өндеп, майсыз сүттен бастап йогурт, айран, ірімшік сияқты 12 түрлі өнім дайындайды. Аталмыш кәсіпорын 40 астам ауыл тұрғындарын жұмыспен қамтып, өз өнімдерін республика аумағындағы біршама өңірлерге өткізуде.

Мүмкін сізді қызықтыратын тақырыптар:

  • Ауданда мониторинг жүргізілді
  • Түлкібас: Орталықтандырылған кәріздік жүйе жаңарады
  • Қазығұрт: Егіс алқаптарында жұмыс қызып тұр
  • Түлкібас: Кәсіпкерлік ауданды алға ілгерілетеді
  • Түлкібасты жергілікті өндіріс көлемін арттыру әлеуметтік-экономикалық маңызы бар мәселелердің бірі.
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер