Созақ ауданда мемлекетке иек артпай –ақ, өз қаржылары есебінен жұмыс атқарып жатқан тұрғындар да көп. Солардың бірі, Шолақорған ауылынының тұрғыны Райхан Ахметова зейнеткер болса да, кәсіп бастаған. Ол тамшылап суару әдісі көп қаражат қажет етпейтін, аса ауыр емес тәсіл екенін айтады. Үйіргелік жерін тиімді пайдалану әр отбасының ортақ бюджетін еселей түсетін нәтижелі еңбек тетігіне айналған.
Созақ ауданы әкімдігі ауыл шаруашылық бөлімінің басшысы Қайырбек Мейірманов былай дейді:
«Қазір ауданда ниет білдіріп, арнайы комиссияның оң қорытындысын алған азаматтар қатары жетерлік. Бұйыртса олардың дені келер жылы жұмыстарын бастап кетуге әзір».
Теріскейлік тұрғындар жаңа технологияларды игерім, өнімкөлемін арттырып, сапасын жақсартауда. Әрине, шаруашылық саласының өркендеуі аудан бюджетіне әсер етпей қоймасы нық. Созақ ауданының жергілікті бюджетіне жыл басынан бері 3 млрд. 758 млн. 205 мың теңге қаржы түскен. Яғни, аймақта бюджеттік жоспар 172 млн. 531 мың теңгеге артығымен орындалған. Бюджеттің шығыс бөлігі 13 млрд. 165 млн. 283 мың теңгені құрап, 99,8 пайызға игерілді.