Сауран ауданының әкімі Мақсат Таңғатаровтың тапсырмасына сәйкес, ауданда тазалық️ жұмыстары тұрақты жүргізіліп келеді. Тазалықты жанына серік еткен Саурандықтар бүгін де сенбілік жұмыстарына белсенді қатысып, ортақ мекеннің көркеюіне өз үлестерін қосты.
Тазалық жұмыстарына 12 ауыл округтегі барлық мекемеден 150-ден аса адам қатысты. Әр ұжым өздеріне бөлінген аумақтарға, көшелерге тазалық жұмыстарын жүргізді. Нәтижесінде 1,5 тонна қоқыс қалдықтары шығарылды.
Ауылдардағы бітеліп қалған арық атыздар күл-қоқыстан тазартылды. Оған жалпы саны 3 техника жұмылдырылды. Сонымен қатар, жол жиектері бей-берекетсіз өскен шөптерден тазартылды. Сенбілік жұмыстары ұдайы жүргізілетін болады.