Денсаулық сақтау министрлігі Жамбыл облыстық перинаталдық орталығына қатысты жоспардан тыс тексеруді бастады.
Денсаулық сақтау министрлігі Медициналық және фармацевтикалық бақылау комитетінің Жамбыл облысы бойынша департаменті Жамбыл облыстық перинаталдық орталығына қатысты жоспардан тыс тексеруді бастады.
— Тексеруге босанған әйелдің қайтыс болуына байланысты қайғылы жағдай негіз болды.
Тексеру шеңберінде медициналық персоналдың барлық кезеңдердегі іс-әрекеттеріне құқықтық баға беріледі.
Бақылау іс-шаралары аяқталғаннан кейін тексеру материалдары процестік шешім қабылдау үшін тиісті органдарға беріледі, — делінген министрлік хабарламасында.
Денсаулық сақтау министрлігі пациенттердің қауіпсіздігі қағидаттарына және медициналық этиканы бұзуға мүлдем төзбеушілікке өзінің бейілділігін атап көрсетеді.
Тексеру нәтижелері туралы жұртшылыққа қосымша хабарланады.