Шекарада марихуанамен ұсталды

20170607191446.jpg

Түркістан облысының полицейлері иісшіл иттің көмегімен шекарадан есірткі алып өтпек болған Өзбекстан азаматын ұстады. Шетелдіктен тәркіленген күмәнді зат марихуана екен.

Бүгінде өңірдегі шекара бекеттері облыс әкімі Өмірзақ Шөкеевтің тапсырмасымен күшейтілген режимде жұмыс істеп жатыр. Соның бірі – «Жібек Жолы» бақылау бекетінен Сарыағаш аудандық Полиция бөлімінің кезекшілігіне жедел ақпар түсті. Онда бекеттен Өзбекстан мемлекетіне қарай жаяулатып өтіп бара жатқан ер азаматтың күдік тудырғаны айтылады. Осылайша оқиға орнына тез арада жеткен полицейлер шекарашылардың «Имерек» атты итінің мазасызданып, әлгі күдікті тұлғаны айналшықтап кетпей қойғанын көреді. 

Полицейлер ер азаматты тексеру барысында аяқ киімінің ішінен есірткіге ұқсас жасыл түсті затты алады. Алынған зат бірден сараптамаға жолданды. Нәтижесінде есірткі тектес зат 1,5 грамға жуық кептірілген марихуана болып шықты.

Бүгінде ұсталған азамат қамауда. Сарыағаш аудандық полиция бөлімінің полицейлері аталған жайтқа байланысты Қазақстан Республикасы Қылмыстық кодексінің 286-бабы «Айналыстан алып қойылған заттардың немесе айналысы шектелген заттардың контрабандасы» бойынша сотқа дейінгі тергеп-тексеру амалдарын жүргізуде.


Мүмкін сізді қызықтыратын тақырыптар:

  • Тәртіп сақшылары дәрі-дәрмекті заңсыз сатудың 55 фактісін анықтады
  • Көлік ұрлаған қылмыстық топ құрықталды
  • «Жұмысқа орналастырамын» деп жұрттан ақша жиған алаяқ ұсталды
  • Құқық қорғаушылар жоғалған қызды тауып отбасына қайтарды
  • Түркістан облысының тұрғындары Армениядан әкелінген 260-тан астам автокөлікті тіркеді
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер