Түркістан облысының полицейлері жасөспірімдерге құқықтарын түсіндіреді

ордапол.jpg

Елімізде жасөспірімдердің сағат 22.00-ден кейін көшеде ата-анасыз жүруіне, компьютерлік клубтар мен мейрамханаларда болуына қатаң тыйым салынған. Тәртібі қиын балаларды жергілікті жерлердегі ювеналды полиция тобының инспекторлары қатаң бақылайды. Бұл туралы Түркістан облысы Полиция департаментінің баспасөз қызметіне сілтеме жасап RGMEDIA.KZ ақпарат агенттігі хабарлады. 

– Өсіп келе жатқан жас ұрпақты Қазақстан Республикасының заңдарын құрметтеу рухында тәрбиелеу және кәмелетке толмағандар арасындағы құқық бұзушылықтардың алдын алу ювеналды полиция қызметінің басым міндеттерінің бірі болып табылады. Жиындарда құқықбұзушылықтың алдын алу, тәртіпті де тәрбиелі болу, әлеуметтік желіні дұрыс пайдалану, түнгі уақытта беймезгіл жүрмеу секілді қағидалар туралы айтып, көптеген кеңестер береміз. Болашақта «полиция қызметкері боламын» деген жастарды анықтап, мамандықтың маңызын түсіндіреміз, – дейді Ордабасы аудандық полиция бөлімінің ювеналды полиция тобының аға инспекторы, полиция майоры Қанат Ауелев.

Ордабасы ауданында бүгінгі күні 64 мектеп, 6 колледж бар. Оларға алты ювеналды полиция қызметкері бөлінген. Тәртіп сақшылары білім беру мекемелеріндегі жасөспірімдердің тәрбиесін қатаң бақылауға алған. Сонымен қатар, «Балалар түнгі қалада», «Жасөспірім», «Қауіпсіз мектеп» секілді жедел-профилактикалық іс шаралар мен «Жасөспірім – Заң – Қауіпсіздік», «Мен және менің полицейім» секілді акциялар ұйымдастырып, учаскелер бойынша тексерулер жүргізеді. Аталған профилактикалық жұмыстарға балалар-жасөспірімдер ұйымдары «Жас полиция көмекшілері», «Жас ұлан», «Жас қыран» белсенділері де тартылған.


Мүмкін сізді қызықтыратын тақырыптар:

  • Қызмет бабында қаза болғандардың жұбайларына құрмет көрсетілді
  • Бір күнде 4 ұрлыққа қатысты күдіктілер ұсталды
  • Түркістандық полицейлер республикалық сайыстан жүлдемен оралды
  • Түркістанға арнайы мамандар келді
  • Төлеби ауданындағы жер дауы Мұрат Қабденовтың бақылауында болады
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер