Тәртіп сақшылары тауда адасқан үш тұрғынды тауып, үйлеріне апарды

адасу.jpg

Түлкібас ауданының полицейлері тауға шығып, адасып қалған үш жас жігітті тапты. Бұл туралы Түркістан облысы Полиция департаментінің баспасөз қызметіне сілтеме жасап RGMEDIA.KZ ақпарат агенттігі хабарлады.

Түлкібас АПБ-нің «102» телефонына сағат 20:30-дар шамасында жергілікті тұрғын хабарласады. Жас жігіт өз хабарламасында 2 көрші досымен бірге тау жаққа саңырауқұлақ теруге шыққандарын, содан ауа-райының күрт бұзылып, тұман түсіп, күн бұлттануы салдарынан достарынан адасып қалып, бір орнында қозғала алмай қалғанын айтып, полицейлерден көмек сұрайды. Аталған хабарлама бойынша аудандық полицейлер тез арада әрекет етіп, жедел-іздестіру жұмыстарын жүргізді. 

Тексеру барысында жас жігіттер түскі сағат 13:00-лер шамасында үйлерінен шығып кеткені анықталды. Адасқан жігіттердің баруы мүмкін деген жерлер мен олар бағыт алған аймаққа қарай тәртіп сақшылары бөлініп, іздестіру жұмыстарын жасады. Нәтижесінде 2 сағат аралығында полицейлер үш жігітті де ауылдан 20-30 шақырым қашықтықта орналасқан көрші елді мекеннен тауып, аман-есен ата-аналарына табыстады.

Өз кезегінде ата-аналар ұлдарының дін аман табылуына ықпал етіп, күннің қарайғанына, ауа-райының қолайсыздығына қарамастан, түні бойы ой-шұқыры көп тауда іздестіріп, қызмет еткен полицейлерге ризашылықтарын білдіріп, жұмыстарына табыс тілеп, алғыстарын білдірді. 

Түркістан облысы полицейлері азаматтарға өзіңізге белгісіз аймаққа бармауды, ауа-райы өзгеріп тұрған уақытта таулы мекендерге шықпауды ескертеді. Бұл сіздің өміріңіз үшін қауіпті болуы мүмкін. Сондықтан, барынша сақ болыңыз!


Мүмкін сізді қызықтыратын тақырыптар:

  • Қызмет бабында қаза болғандардың жұбайларына құрмет көрсетілді
  • Бір күнде 4 ұрлыққа қатысты күдіктілер ұсталды
  • Түркістандық полицейлер республикалық сайыстан жүлдемен оралды
  • Түркістанға арнайы мамандар келді
  • Төлеби ауданындағы жер дауы Мұрат Қабденовтың бақылауында болады
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер