​Полицейлер ұрланған дәнекерлеуіш аппаратын тапты

9a0c743b-e0b4-48a4-9008-568a927a8bc7.jpg

Сайрам АПБ кезекші бөліміне Қарабұлақ кентінің тұрғыны түнде  ауласына белгісіз тұлғалардың кіріп, құны 170 мың теңге тұратын дәнекерлеуіш аппаратын ұрлап кеткені туралы хабарлайды. Аталған жайтты тәртіп сақшылары ҚР ҚК-нің 188-бабы "Ұрлық" бойынша СДТБТ-ға тіркеп, дереу жедел-іздестіру іс-шараларына кірісті.

Дер кезінде жүргізілген жедел-профилактикалық іс-шаралар нәтижесінде Сайрам АПБ-ның полицейлері бір тәулік ішінде ұрлық жасаған күдіктіні ізін суытпай ұстады. Сонымен қатар  барлық мән-жайды анықтау үшін полиция басқармасына жеткізді. Анықталғандай ол Түлкібас ауданының тұрғыны болып шықты. Заттай дәлел ретінде дәнекерлеу аппараты алынып, заңды иесіне қайтарылды.

Тергеу барысында күдіктінің жергілікті тұрғынның ауласында дәнекерлеу аппаратының тұрғанын көріп, арам ойын іске асыру үшін ұрлап кеткені белгілі болды. Ұрлап алған дәнекерлеуіш аппаратты жас жігіт металл қабылдау орнына өткізген, ал ақшаны жеке басының қажеттілігіне жұмсап жіберген.

Қазіргі уақытта бөтеннің мүлкін ұрлау жайты бойынша сотқа дейінгі тергеу амалдары жүргізілуде. Күдіктінің бас шарасы қолхатта. Полиция қызметкерлері ұсталған адамның басқа да осыған ұқсас қылмыстарға қатысы бар-жоғын анықтауда.

Өз кезегінде Түркістан облысының полицейлері азаматтарға қырағы болу және бағалы заттарды қараусыз қалдырмау қажеттігін ескертеді. Мүмкіндігінше аулаларды сенімді қоршаумен қоршап, үйлерді бейнебақылау камераларымен, терезелерді темір торлармен жабдықтау қажет. 

Мүмкін сізді қызықтыратын тақырыптар:

  • Түркістан облысының полицейлері боран салдарынан жолда қалған азаматтарға көмектесуде
  • Түркістан облысында карантин талаптарын бұзушылар саны азаяр емес
  • Түркістан облысының полицейлері «Пиротехника» іс-шарасын жалғастыруда
  • Түркістандық полицейлер Жаңа жыл қарсаңында ерекше балаларды қуантты
  • Пиротехника профилактикалық іс-шарасы жалғасуда
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер