Жеке құрамның жоғары моральдық-психологиялық жағдайын қолдау, бекем құқық тәртібін нығайту, жеке құрамның бойында Отанға адал қызмет етуге бағытталған құндылықтар жүйесін құру мақсатында, ұдайы негізде кешенді іс-шаралар жүргізіліп отырады.
Осындай іс шаралардың бірі - полиция қатарын өз елінің нағыз патриоты адал офицерлермен жасақтау мақсатында, Мақтаарал ауданы полиция бөлімінің мәжіліс залында Бөлім басшылығы жаңадан тағайындалған жас мамандермен кездесіп, олардың атқарып жатқан жұмыстарына, азаматтармен қарым-қатынаста сыпайы-ілтипатты болуы, ұжыммен етене араласып кетуіне баса назарға алып, жиналыс өткізді.
Жалпы мұндай ерекше кездесулердің ішкі істер саласына енді орналасқан жас мамандарға берері мол. Себебі, өздерінің қиын да қауіпті қызметтері жайлы мағлұматтар алып, жақсы жағынан ой түйіндейді. Сондықтан да бұндай кездесулер Түркістан облысы полицейлері тарапынан тұрақты түрде ұйымдастырылып тұрмақ.
ТО ПД-ның баспасөз қызметі
