Қазақтың ерке қызы Мақпал Жүнісованың өнерде жүргеніне тура 37 жыл толды. Осы уақыт аралығында тыңдарманды мойындатқан әнші эксклюзивті сұхбат беріп, өнерде өзінің жол кескен азамат туралы айтты. Бұл туралы Хит ТВ арнасы хабарлайды.
- Ертеректе «С песней по жизни» деген керемет байқау болды. Аталған конкурстың финалы Мәскеуде өтетін. Шешуші сынға жолдама алу үшін аймақтық жарыста топ жару керек. Байқаудың Алматыдағы іріктеу кезеңінде марқұм Валентина Толкунова, Ермек Серкебаевтар қазылық етіп, маған бірінші орын берді.
Мен жеңімпаз ретінде Мәскеудегі финалға қатысуым керек еді. Алайда, екі ай қалғанда менің орныма іріктеу кезеңіне мүлде қатыспаған Бақтияр Тайлақбаев есімді азаматтың аттанатыны белгілі болды. Ол таныстары арқылы финалға кетіп, мен сырт қалдым, - деді Жүнісова.