Бұрынғы президент Нұрсұлтан Назарбаевтың Алматы облысы Шамалған ауылындағы мемлекетке қайтарылған жер телімі аукционға қойылды деп хабарлайды Rgmedia.kz тілшісі Stan.kz-ке сілтеме жасап.
“Жер телімінің жалпы ауданы – 142,92 гектар. Кадастрлық нөмірі – 03:047:163:5684. Алматы облысы, Қарасай ауданы, Шамалған ауылы 4409а учаскесі мекенжайында орналасқан”, – делінген сайтта.
“Қайтарылған активтерді басқару жөніндегі компания" ЖШС Назарбаевтың туған жері – Алматы облысының Шамалған ауылындағы жер теліміне аукцион жариялады.
Жер телімінің сипаттамасы мынадай:
Жалпы ауданы – 142,92 гектар;
Кепілді жарна – 19 179 225;
Аукционға қойылған күні – 2025 жыл 15 ақпан, сағат 10:00.