Елбасы Финляндия мен Бельгияға сапарынан кейін Түркістан облысындағы Сарыағаш қаласына барып, Владимир Путинмен және Шавкат Мирзиеевпен кездесті деп хабарлайды Sputnik Қазақстан агенттігі.
Назарбаев әріптестерімен кездесуде жақында өткен шетелге сапары туралы айтып берген.
"Юнкер сіздерге сәлем жолдады, Макрон Францияның бұрыннан Ресеймен бірге болғанын, әлі де бірге бола беретінін айтты. Ол сөйлескісі келеді", - деді Елбасы.
Путин де бұл жаңалықты жымия қабылдап, Ресейдің де диалог орнатқысы келетінін жеткізді.
Еске салсақ, бейресми кездесу 20 қазанда өткен болатын. Ондағы басты тақырып Қазақстан, Ресей мен Өзбекстан арасындағы әріптестік болды.