Білім министрі студенттердің стипендиясы биыл қаншаға өсетінін айтты

Білім және ғылым министрі Асхат Аймағамбетов жаңа оқу жылында студенттердің шәкіртақысы қанша болатынын айтты.

Screenshot_4.jpg

“Мемлекет басшысының тапсырмасымен шәкіртақы көлемі артып келеді. Биылғы қыркүйек айынан бастап бакалавриат бойынша стипендия мөлшері 31 мың теңгеден сәл асады деп жоспарлап отырмыз. Магистратураға келсек, 15%-ға өсіп, шамамен 76 мың теңге болмақ”, – деді министр.

Оның айтуынша, докторантура үшін тек соңғы 2 жылда шәкіртақы мөлшері шамамен 82 пайызға өскен. Дегенмен, биыл да оның мөлшері артып, 172 мың теңгеге жетеді.

Бұдан өзге Асхат Аймағамбетов гранттар саны да өсетінін мәлімдеді.

“2025 жылға дейін гранттар саны артып, 75 мың орынға жетеді деп жоспарланған. Қазірдің өзінде сайлауалды бағдарламаны іске асыруды бастадық. Қаржы бөлінді. Биыл қыркүйек айында гранттар саны 5 мың орынға ұлғайтылады. Жыл сайын бакалавриатқа 51 мың орын бөлінсе, биыл 56 мың орын болады”, – деді ол.


Мүмкін сізді қызықтыратын тақырыптар:

  • Президент Анарбек Орманға І дәрежелі «Барыс» орденін табыс етті
  • Орталық Азиядағы денсаулық пен әл-ауқатты қолдаудың Жол картасы таныстырылады
  • Денсаулық сақтау саласын цифрландыру - заман талабы
  • ТМД-ның Денсаулық сақтау министрлері Түркістанға келді
  • На страже интересов государства
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер