Теңіз археологтары 1 ғасыр бұрын жоғалған кемені Бермуд үштағанынан тауып алды. SS Cotopaxi деп аталатын сауда кемесі 1925 жылы Американың Оңтүстік Каролин штатындағы Чарльстон портынан Кубаға қарай бағыт алып, бүкіл экипаж мүшелерімен бірге жоғалып кеткен.
Талай саяхатшылар мен алып кемелердің іс-түссіз жоғалуына себепкер болған Бермуд үштағаны әлі күнге дейін әлемге сырын ашпай келеді. 100 жыл бұрын жоғалған кеменің дәл осы орыннан тосыннан пайда болуы да адам таңқаларлық дүние. Science Channel телеарнасы түсірген "Кемелердің бату құпиясы" телехикаясының бірінші бөлімі аталмыш апатты жағдайға арналған. Мамандар кеменің сақтандыру агенттерінің жазба хабараламаларын зерттеу барысында SS Cotopaxi кемесінің 1925 жылдың 1 желтоқсанында апатқа ұшырағаны туралы белгі жібергенін анықтаған. Ғалымдардың жүргізген зерттеулерінің нәтижесінде 100 футтық мұхит толқындары кемелердің суға батып кетуіне себеп болған. Мұндай алапат толқындар жан-жақтан соғатын көрінеді, оған тіпті ең үлкен деген кеменің өзі қарсы тұра аламайды.