Теміртауда қара қар жауды. Көпшілік орын алған табиғаттың тылсым құбылысына таңданыстарын білдіруде. Қазіргі таңда, экология, геология және табиғи ресурстар министрлігі қаланың өнеркәсіптік кәсіпорындарын табиғаттың тосын құбылысынан кейін тексеруді бастады.
"Экология департаменті қаланың табиғат пайдаланушыларының мәліметтерін және өндірістік кәсіпорындардың қолайсыз метеорологиялық жағдайлар кезінде қоршаған ортаға түсетін лас заттарды төмендету бойынша шараларды орындауын тексереді", - деп жазды twitter парақшасында ведомство басшысы Мағзұм Мирзағалиев.
