Әлихан Смайылов әкімдерді қатаң сынға алды

Премьер-министр Әлихан Смайылов Үкімет отырысында әкімдерді сынға алды деп хабарлайды Baq.kz тілшісі.

Screenshot_1.jpg

"Еліміздің барлық өңірінде  коронавирус инфекциясымен науқастанудың күрт өскені байқалып отыр. Жыл басынан бері індетті жұқтыру деңгейі 21 есеге өсіп отыр. Түркістан облысы ғана  «сары» аймақта, ал қалған өңірдің барлығы «қызыл» аймақта", - деді Смайылов. 

Премьердің айтуынша, тәулігіне вирустың ең көп таралу жағдайы елордада, Алматы қаласында , Қарағанды және Атырау облыстарында тіркеліп отыр. 

"Біз  мұндай жағдайдың боларын болжадық, ең бастысы, барлық өңірде эпидемиологиялық ахуалды қатаң бақылауда ұстау қажет. Коронавирустың таралуына жол бермеу жөніндегі ведомствоаралық комиссия  өңірлерде қосымша шектеу шараларын қабылдады, олар нақты орындалуы тиіс", - деді ол. 

Оның айтуынша, бетперде тағу, әлеуметтік арақашықтықты сақтау сияқты негізгі алдын алу шараларын  бұлжытпай сақтау керек. 

"Санитарлық талаптарға  неғұрлым салғырт қараудың соңы аурудың соғырлым өсуіне әкеп соғатынын адамдар түсінулері қажет. Сондықтан мониторингтік топтардың жұмыс қарқынын барынша күшейту қажет. Вирустың таралуын азайту үшін  науқастарды дер кезінде оқшаулап, адамдардың көп жиналуына жол берілмеуі тиіс. Денсаулық сақтау министрлігі мен әкімдіктер  ауруханаларда  қосымша орындар дайындасын. ПТР-тестілеу деңгейі төмен өңірлерде олардың санын ұлғайту қажет. Әсіресе, Алматы, Шығыс Қазақстан, Жамбыл, Қостанай және Түркістан облыстарында  тестілеу аз жасалады", - деді ол. 

Премьер-министр айтқандай, елордада, Алматы, Шымкент қалаларында, Атырау, Түркістан, Алматы, Қызылорда және Маңғыстау облыстарында ревакцинациялау қарқыны жақсарған жоқ.  

"Демек, бұл мәселеге әкімдер дұрыс қарамай отыр. Сондықтан  аталған өңірлер бұл жұмысты тездету керек", - деді ол.

Мүмкін сізді қызықтыратын тақырыптар:

  • Полицейлер тұрғын үйге ұрлыққа түскен күдіктіні ұстады
  • Полицейлер тұрғындарға судағы қауіпсіздік бойынша түсіндірме жұмыстарын жүргізуде
  • Ағымдағы жылдың төрт айында облыс бойынша 500-ге жуық алаяқтық қылмыс тіркелген
  • Полиция генерал-майоры Мұрат Қабденов спортшы полицейлерді жеңістерімен құттықтап марапаттады
  • Діни қызметке қатысты заңды бұзғаны үшін жергілікті тұрғынды жауапқа тартты
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер