Жоғалған жасөспірім әлеуметтік желіде танысқан достарымен кездесуге кеткен жерінен табылды

Screenshot_5.jpg

Отырар аудандық полиция бөлімініне жергілікті тұрғын арызданды. Әйел адамның айтуынша, таңғы уақытта ұйқыдан тұрған сәтте 13 жасар қызы орында жоқ екенін байқаған. Содан ұшты-күйлі хабарсыз болған қызын таппай жатқандығы туралы полицияға хабарлама түсірген. Аталған жайтты полиция қызметкерлері бірден тіркеуге алды.

Ақпарат алысымен қырағы отырарлық полицейлерден жедел-тергеу тобы құрылып, жоғалған жасөспірімнің аман-есен табылуы үшін іздестіру шаралары атқарылды. Жас қыздың сыныптастарынан, жақын араласатын достарынан сұрастыру жұмыстары жүргізілді. Нәтижесінде келіп түскен ақпарат көздері арқылы, бірнеше сағат ішінде жасөспірімнің Шардара қаласында жүргені анықталды. Жедел уәкілдер оқушы қызды табу үшін Шардара қаласына арнайы барып, оны полиция бөліміне жеткізді.

Анықталғандай, жоғалған қыз Шардараға әлеуметтік желі арқылы танысқан дос қыздарымен кездесу кешіне барған. Өз кезегінде қыздың анасы: «Полиция қызметкерлерінің жедел әрекеті мен тиянақты жұмыстарына рақмет айтамын! Осы жандардың арқасында қызымды тез арада тауып, отбасымызға қайтардық. Барша іздеуге атсалысқан тәртіп сақшыларына алғысым шексіз. Жұмыстарыңызға табыс, сәттілік тілеймін!» - деп аналық жүрегімен алғысын жаудырды.

Түркістан облысының тәртіп сақшылары тұрғындарға өзінің кәмелет жасына толмаған ұл-қызына мұқият болуды, бақылаусыз ескертеді. 

Түркістан облысы ПД баспасөз қызметі

Мүмкін сізді қызықтыратын тақырыптар:

  • Елге келген қандастардың неше пайызы еңбекке жарамсыз
  • Қазақстандықтарға мемлекеттік қызметтердің жаңа түрлері қолжетімді
  • Мемлекет басшысы Қазақстанның шет елдердегі бірқатар Елшісін тағайындады
  • Ресей: Теракт болған күні Крокустан 5 мыңнан астам адам эвакуацияланған
  • Президент терроризмге қарсы күресте Қазақстанның Ресеймен бірге екенін растады
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер