Түркістанда 25 бригадаға арналған облыстық жедел көмек станциясы ашылады

Бүгін өңірге жұмыс сапарымен барған Денсаулық сақтау министрі Ажар Ғиният жаңа нысанды аралап, ондағы атқарылып жатқан жұмыспен танысты. Мамандардың айтуынша, 3 қабатты ғимаратта кардиологиялық, педиатриялық, реанимациялық-хирургиялық, неврологиялық, психиатриялық және токсикологиялық бригадалар болады. Мұнда ересектер мен балаларға тәулік бойы тегін жедел және шұғыл медициналық көмек көрсетіледі. Жедел жәрдем станциясы жылына 70 мың шақыртуға шыға алады. Сондай-ақ мұнда әкімшілік, орталық зарарсыздандыру бөлімшесі мен кір жуатын орын және  25 арнайы медициналық көлікке арналған гараж бен бақылау-өткізу пункті қарастырылған. Айта кетейік, жалпы облыста 22 медициналық жедел жәрдем бекеті бар. Онда 140 бригада жұмыс істейді. Өңірдегі жедел жәрдем көліктерінің 96 пайызызаман талабына сай жаңартылған

Screenshot_1.jpg

Министр танысқан жедел жәрдем станциясы 25 бригадаға арналған. Жалпы облыс бойынша 140 жедел медициналық жәрдем бригадалары шақыртуларға қызмет атқарады. 

Кездесу барысында министрге жедел жәрдем бригадалары туралы жан-жақты ақпарат берілді. Министр медициналық мекеме қызметкерлерімен  пікірлесіп, жұмысымен етене танысты.

- 10 мың халыққа бір-бірден бригада есептелген. Ал Түркістан облысы бойынша қазіргі таңда 2 млн 75 мың халық бар. Яғни 207 бригадмен қамтылу керек. Қазіргі таңда бізде 140 бригада жұмыс атқарады. Ауылды жерлердегі амбулаториялардан бір-екі бөлмелерді жалға алып, бригадаларды орналастырып қойғанбыз. Қосымша бригадалар ашып, 100 пайызды қамтамасыз етемміз, - деді Түркістан облысы жедел медициналық жәрдем стансасы бас дәрігерінің орынбасары Ақайша Аманжолова.

Screenshot_2.jpg

Санитарлы автокөліктер шақыртуларға дер кезінде жедел медициналық көмек көрсету үшін дефибриллятор, кардиостимулятор, кардиоверсия, кардиомонитор, электрокардиограф, ИВЛ аппараттарымен, оттегімен және электрлік, механикалық сорғыш аппараттарымен қамтылған.

Онан соң ҚР Денсаулық сақтау министрі жаңа технологиямен жабдықталған «Қамқорлық» балалар оңалту орталығын аралап көрді. Орталықта 1-14 жас аралығындағы жүйке жүйесі мен тірек-қимыл аппаратының бұзылыстары бар науқас балаларға көмек көрсетіліп жатыр. Заманауи үлгіде жасақталған оңалту орталығының төсек орын саны 50 күндізгі және 10 тәуліктік болып жабдықталған. Орталықта тұз шахтасы, шунгит бөлмесі, эрготерапия, сенсорлық бөлме, механотерапия, бальнеотерпаия, интерактивті бөлме, емдік дене шынықтыру, ойын бөлмелері бар.

Сондай-ақ сапар барысында министр Түркістан қалалық емханасының үздік тәжірибелер орталығының жұмысымен танысты. Ондағы ауруларды басқару бағдарламасы бойынша жұмыс атқаратын кабинет, балалардың ерте жастағы бақылауын қадағалайтын әмбебап прогрессивті моделі бойынша жұмыс жасайтын кабинет, сонымен қатар психологтармен салауатты өмір салтын қалыптастыру орталықтарының жұмыс барысымен танысты.

Screenshot_3.jpg

Қала көлемінде емхана қаланың 94322 тұрғынына сапалы медициналық көмек көрсетуде. Бүгінгі күнде емханада 8 отбасылық дәрігерлік орталық бар. Емдеу мекемесінде консультативтік диагнотикалық, жедел жәрдем бөлімшелері қызмет атқарады. Айта кетейік, Түркістан қалалық емханасы 2018 жылдан бастап толық цифрлық жүйеге көшкен.

Screenshot_4.jpg

Министр өңірдегі медицинаның дамуына қатысты қосымша талап-тілектер мен ұсыныстарын жеткізді. Облыс орталығындағы мекемелерді аралаған Ажар Ғиният жалпы өңір медицинасының жетілу қарқынына оң бағасын берді 

Мүмкін сізді қызықтыратын тақырыптар:

  • Жандос Тасов Кентау қаласының әкімі болып тағайындалды
  • Call орталыққа хабарласып сапалы қызмет ала аласыз
  • Министрдің жұмысына ақсақалдар тарапынан оң баға берілді
  • Ағымдағы жылдың 6 айында Түркістан облысында ана өлімі тіркелмеген!
  • Заманауи жедел жәрдем орталығы халыққа медициналық көмек көрсетеді
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер