Алматыда көпқабатты үйде болған өрт салдарынан әйел көз жұмды

Алматыдағы Ақкент шағынауданындағы үйде болған өрт салдарынан 1 адам көз жұмды, деп хабарлайды Rgmedia.kz тілшісі Stan.kz ақпарат агенттігіне сілтеме жасап.

Screenshot_16.jpg

Әйел алған жарақаттарынан көз жұмған. Өрт кезінде барлығы 43 адам зардап шекті. 

“Көпқабатты үйдегі өрт бойынша 23 жедел жәрдем, соның ішінде 5 жансақтау бригадасы жұмылдырылды. Алматы қалалық Денсаулық сақтау басқармасының мәліметінше, 4 бала жансақтау бөлімінде жатыр, тағы төртеуі медициналық көмек көрсетілгеннен кейін амбулаторлық емдеуге жіберілді, үш баланың ата-анасы ауруханаға жатқызудан бас тартты”, – делінген хабарламада. 

12 ересек адам қалалық көпбейінді ауруханаларға жеткізілді, соның ішінде 5 адам ауруханаға жатқызылған. Басқалары қажетті жедел медициналық көмек көрсетілгеннен кейін амбулаторлық бақылауға жіберілді. Өрттен зардап шеккен қалған адамдардың жағдайы тұрақты.

Еске салайық, бұған дейін Ақкент шағынауданындағы өрттің сөндірілгенін хабарлаған едік. ТЖД мәліметінше үйдің 1 және 16-қабатында электр кабельдері жанған.

Мүмкін сізді қызықтыратын тақырыптар:

  • Жыл басынан бері 40 мыңнан астам жұп шаңырақ көтерген
  • Қазақстан футбол лигасының президенті Рафаэль Гарибян қызметінен кетті
  • «Ұлттық қор - балаларға» бағдарламасын іске асыруға тағы бір оператор қосылды
  • Энергетика министрлігі жанармайдың нақтыланған бағасын бекітті
  • Қазақ қызы тұңғыш рет Эверест шыңына шықты
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер