"Владимир Жириновскийдің кіші Отаны Алматыда ескерткішінің ашылу салтанаты мен еске алу шарасы өтеді". Дәл осындай ТАСС таратқан мәліметтен соң әлеуметтік желілерде ресейлік саясаткер Владимир Жириновскийдің 80 жылдығына орай Алматы қаласында ескерткіш ашу жоспарланып отырғаны жайлы ақпарат тараған еді.
Аталған жағдайға қатысты Алматы қаласының әкімдігі пікір білдірді деп жазады BAQ.KZ .
"Алматы қаласының мәдениет басқармасына В. Жириновскийге ескерткіш орнату туралы өтініш түскен жоқ. Алматы қаласының тарих және мәдениет ескерткіштерін қорғау жөніндегі комиссия тиісті ұсынысты қарастырған жоқ, - деді Алматы қаласының әкімдігі.