Salem Entertainment цифрлық медиа компаниясының бас директоры Игорь Цай Үкімет отырысында әйгілі актер Джеки Чанның Қазақстанға келетінін мәлімдеді деп хабарлайды RGmedia.kz тілшісі .
Айтуынша, елімізде Джеки Чан және америкалық продюсерлер қатысатын ірі халықаралық кино жобалар жүзеге асырылады.
"Биыл біз Джеки Чан, америкалық "Оскар" иегерлері және режиссер Тимур Бекмамбетовпен бірлескен жобаларды бастадық. Соңғысы жасанды интеллект технологияларын қолдану арқылы контент жасауға негізделген", - деді Цай.