Жетісу облысында Шерзат Полаттың өліміне байланысты сот отырысы басталды.
Сот Талдықорған қаласындағы Жетісу облысының қылмыстық істер жөніндегі мамандандырылған ауданаралық сотының ғимаратында өтіп жатыр. Судья - Ержан Жанұзақов. Сот залында Шерзат Полаттың отбасы да бар.
Еске салайық, биыл ақпан айында Шерзат ісіне қатысты қылмысты тергеу аяқталды. Қылмыстық іс 62 томнан тұрады. Тергеу барысында 40 сот сараптамасы жүргізіліп, шамамен 200 куәгерден жауап алынған.