Шымкент қаласы әкімінің орынбасары Руслан Берденовтің қазіргі жағдайы белгілі болды. Танымал кәсіпкер, Мәжілістің экс-депутаты Динара Шүкіжанова Берденовтың жағдайын сұрап, аурухана барғанын әлеуметтік желі парақшасында жазды деп хабарлайды RGmedia.kz тілшісі. Оның жанында тағы Олжас Құспеков пен Айдарбек Қоджаназаров та болған.
"Досымыздың халін біліп, тез сауығып кетуіне тілектес болуға келдік. Русланның жағдайы жақсарып келеді, бірақ жансақтау бөлімінде жатыр. Ол мықты, бәрін жеңіп шығады, ал біз жанындамыз", – деп жазды Динара Шүкіжанова.
Еске сала кетейік, Шымкентте қала әкімінің орынбасары Руслан Берденовке 21 сәуір күні шабуыл жасалған болатын. Оқ тиіп, жарақат алған шенеунікке дереу ота жасалды. Қазіргі кезде осы жағдайға байланысты Қылмыстық кодекстің екі бабы бойынша тергеу жүріп жатыр.
