Бүгін Қазығұрт ауданындағы Ардагерлер үйінде ерекше кездесу өтті.
“Ауыл” партиясының Түркістан облысы бойынша өңірлік филиалының төрағасы, облыстық мәслихат депутаты Қалмуратов Төрегелді Оразалыұлы және филиал аппаратының басшысы, облыстық мәслихат депутаты Әжіметов Нұржан Нұрмаханбетұлы ауданның құрметті ақсақалдарымен жүздесіп, Мемлекет басшысы Қасым-Жомарт Тоқаевтың Қазақстан халқына Жолдауының негізгі бағыттарын талқылады.
Кездесу барысында 80 жасқа толған Ағабеков Төле ақсақалға құрмет көрсетіліп, «Еңбек ардагері» төсбелгісі табысталды. Сонымен қатар, жиналысқа қатысқан бірқатар аудан ақсақалдарына «Ауыл» партиясының 25 жылдық мерекелік медалі салтанатты түрде берілді.
Бұл — ардагерлердің ел үшін атқарған ерен еңбегін бағалап, оларға деген алғыс пен құрметтің айғағы.
Қазыналы қарттарымыз аман болсын, абыройлары асқақ болсын!