Түлкібас ауданында 8 наурыз — Халықаралық әйелдер күніне орай мерекелік құттықтау шарасы ұйымдастырылды. Майлыкент ауылында өткен іс-шара барысында “Ауыл” партиясының Түлкібас ауданы бойынша өңірлік филиал төрағасы, аудандық мәслихат депутаты Көлбаев Оспан Оңалбекұлы ауылдың ардақты аналары мен ақ жаулықты әжелерін мерекемен құттықтады.
Жиын барысында аналардың қоғамдағы, отбасы мен ұрпақ тәрбиесіндегі ерекше орны мен еңбегі атап өтіліп, ақ жаулықты аналарға құрмет көрсетілді. Мерекеге орай Көлбаев Оспан Оңалбекұлы үлкен аналар мен әжелердің иығына ақ орамал жауып, сый-сияпат табыстады.
Сондай-ақ, жиында аналарға жүрекжарды жылы лебіздер айтылып, оларға зор денсаулық, отбасы амандығы мен ұзақ ғұмыр тілінді. Бұл шара ауыл тұрғындарының басын қосып, аналарға деген ерекше құрмет пен ризашылықтың айқын көрінісіне айналды.