Мехико қаласында «Заманауи Қазақстан. Елбасы көшбасшылығының сабақтары» атты баспасөз-конференциясы

Screenshot_1.jpg

Қазақстан Республикасының Мексика Құрама Штаттарындағы Елшілігі жергілікті БАҚ-тар үшін «Мехико қаласында «Заманауи Қазақстан. Елбасы көшбасшылығының сабақтары» атты баспасөз-конференциясын өткізді. 

Ұлттық және аймақтық теледидар арналарының, радиостанциялардың, мерзімді басылымдардың, ҮЕҰ мен саяси топтардың өкілдері қатысқан баспасөз-конференциясы барысында ҚР-дың Төтенше және Өкілетті Елшісі Андриан Елемесов қатысушыларды еліміздің қалыптасу және заманауи тарихының негізгі кезеңдерімен таныстырды, сондай-ақ Қазақстандағы соңғы саяси және экономикалық өзгерістер туралы әңгімеледі. 

ҚР Тұңғыш Президенті - Елбасы күні қарсаңында қатысушылар Қазақстан тұрақты және қауіпсіз мемлекет ретінде халықаралық беделге ие болған, сондай-ақ әлемнің ең дамыған 50 елінің қатарына енген қазіргі Қазақстанның қалыптасуы мен дамуындағы Н. Назарбаевтың ерекше рөлімен танысты.

Кездесу барысында Қазақстандағы ағымдағы саяси ахуалдың жай-күйін, сондай-ақ елдегі билік транзитін жүргізу ерекшеліктерін түсіндіруге ерекше назар аударылды. Журналистер ҚР Президенті Қасым-Жомарт Тоқаевтың «Сындарлы қоғамдық диалог - Қазақстанның тұрақтылығы мен гүлденуінің негізі» атты Жолдауының негізгі ережелерімен және оның жүзеге асырылу барысымен танысты. 

Screenshot_2.jpg

Қазіргі тиімді мемлекет құруға, азаматтардың құқықтары мен қауіпсіздігін қамтамасыз етуге, қоғамды әлеуметтік жаңғыртуға және өңірлерді дамытуға бағытталған Президенттің саясаты туралы ақпарат журналистердің ерекше қызығушылығына ие болды.

Қорытындылай келе, БАҚ-тар Мексикамен сауда-экономикалық және инвестициялық ынтымақтастықты одан әрі дамыту бойынша Қазақстанның ағымдағы жағдайы мен жоспарлары туралы толық ақпарат алды. 

Іс-шара барысында қонақтарға ақпараттық-имидждік бейнематериалдар көрсетілді, сондай-ақ қазақ және жергілікті тағамдары ұсынылды.

Мүмкін сізді қызықтыратын тақырыптар:

  • Елге келген қандастардың неше пайызы еңбекке жарамсыз
  • Қазақстандықтарға мемлекеттік қызметтердің жаңа түрлері қолжетімді
  • Мемлекет басшысы Қазақстанның шет елдердегі бірқатар Елшісін тағайындады
  • Ресей: Теракт болған күні Крокустан 5 мыңнан астам адам эвакуацияланған
  • Президент терроризмге қарсы күресте Қазақстанның Ресеймен бірге екенін растады
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер