Қордайдағы жанжал бойынша 47 адам ұсталды. Бұл туралы бүгін Ішкі істер министрі Ерлан Тұрғымбаев Жамбыл облысы Қордай ауданындағы жанжалға қатысты Орталық комминикациялар қызметінде мәлімдеді.
– Қазіргі уақытта 47 адам ұсталып, полиция бөліміне жеткізілді. Олардан екі аңшы қаруы тәркіленді. ҚР Қылмыстық кодексінің 272-бабы (жаппай тәртіпсіздікті ұйымдастыру және соған қатысу) және 99-бабы (кісі өлтіру) бойынша сотқа дейінгі тергеу амалдары жүргізіліп жатыр. Қоғамдық тәртіпті бұзғандардың бәрі де заңға сәйкес жауапкершілікке тартылады. Қоғамдық тәртіпті қадағалау мақсатында оқиға орнында қазіргі уақытта полиция қызметкерлері мен Ұлттық ұлан сарбаздары жұмылдырылған, – деді министр.