Түркістан облысында елімізде бұрын болмаған сүт фермасы салынады. Бұл туралы бүгін облыстық Қоғамдық кеңес отырысында өткен жылдың жұмыстарын қорытындысын баяндауға келген Өмірзақ Шөкеев айтты.
– Сүт деген күнделікті ақша! Өкінішке қарай, бізде, республикада бірде-бір жөні түзу сүт фермасы жоқ. Ең үздік деген ферманың өзі дұрыс емес. Биыл біз «Түркістан Агро XXI»-нің 1200 бас Ірі қара малға арналған замануи тауарлы сүт фермасын саламыз. Солай оның қалай болу керектігін жақсылап көрсетеміз. Жылдағы әдіспен жүре берсек, ешқашан дамымаймыз. Біз жаңа технологиямен сапалы өнім алуға ұмтылуға тиіспіз, – деді Өмірзақ Естайұлы.