Иә, Ордабасы ауданында игі істер көп-ақ. Аудан орталығы Темірланның көшелеріне күрделі жөндеу жұмыстары жүргізілсе, жаңадан аяқ жолдар салынды. Әр көшеге түрлі сәндік ағаштар отырғызылды. Осы жұмыстардың басы-қасында аудан әкімі Әліпбек Шәріпбекұлы Өсербаевтың өзі жүргендігін ерекше атап өткен жөн. Жұмыла көтерген жүк жеңіл демекші, қазір Темірлан жаңарып, жасара түсуде. Соның бір көрінісі Қазыбек би көшесіндегі жайқала өсіп тұрған, көздің жауын алатын қызғалдақтар деп айтсақ та болар. Аталған көшеден ары-беріп өткен тұрғындар қызғалдақтарға қызыға қарайтыны жасырын емес. Сонымен қатар, веложалдар қызыл түске боялды.
Шындығында Темірлан түрленуде.
