Түркістан облысы бойынша 2000-ға жуық медицина қызметкеріне үстемақы төленді

Мемлекет басшысы Қасым-Жомарт Тоқаевтың коронавируспен күресіп жатқан медицина қызметкерлеріне көмек көрсету туралы тапсырмасына сәйкес, Түркістан облысында 1994 дәрігер үстемақы алды. COVID-19 инфекциясымен күресте аянбай еңбек етіп жүрген мамандар жұмыс қауіптілігіне қарай 3 топқа бөлінген. 

6309834c-abf0-4728-ad95-afaa640e854d.jpg

Тәуекелдің бірінші тобына өте қауіпті жағдайда жұмыс істейтін 27 қызметкер енді. Екінші санат қауіптілігіндегі дәрігерлер мен фельдшерлерге, яғни, 337 медицина мамандарына үстемақы төленді. Үшінші топқа 1630 қызметкері еніп отыр. Үстемақы алғандар реанимация бөлімдерін қоса алғанда, жұқпалы аурулар стационарларының дәрігерлері, карантиндік аймақтағы орта және кіші буын медицина қызметкерлері. Сондай-ақ провизорлық стационар мен жедел жәрдем қызметінің дәрігерлері және жедел-жәрдем жүргізушілері.

Қазығұрт аудандық орталық ауруханасының бас дәрігері әрі облыстың бас инфекционист - дәрігері Бақтығали Ережепов қиын сәтте тапжылмай індетпен күресіп жүрген ұжымдағы әр қызметкердің ерлігін және табандылығын ерекше бағалайтындығын айтуда.

«Қазығұрт ауданының медицина қызметкерлеріне бөлінген барлық дәрігерлер мен орта және кіші буын қызметкерлеріміз үстемақыларын алып жатыр. Мемлекет басшысының тапсырмасына сәйкес беріліп жатқан бұл қаржылай көмек және ынталандыру сала мамандарына үлкен қолдау болды», - дейді облыстағы әр науқасты өзі жеке бақылап, дәрігерлік ем көрсетіп қана қоймай, жылы сөзімен үміт сыйлап жүрген жоғары білікті инфекционист-дәрігер Бақтығали Аюбайұлы. 

Аталған ауруханаға қарасты провизорлық госпитальдың дәрігері Бақыт Ақынғазиева 2 санат бойынша 425 мың теңге үстемақы алды. Асыл жар, 4 баланың анасы қарусыз майданда адам өмірін арашалап жүрген ақ желеңді абзал жан бір айға жуық уақыт жақын туыстарын көрмеген. Өз кәсіби қызметін басты міндет санайтын ақ желекті абзал жан барлық әріптестерінің атынан алғысын білдіреді.  

Түркістан облысы әкімінің баспасөз қызметі

Мүмкін сізді қызықтыратын тақырыптар:

  • Шымкент: 1 маусымнан бастап 2 095 орта және шағын бизнес нысандары қайта іске қосылады
  • Шымкенттің тігін фабрикасы 1,5 млн-ға жуық өнімін экспортқа шығарады
  • Нүкте философиясы
  • Түркістанға саяхаттаушылар баратын жерімен алдын ала онлайн таныса алады
  • Шымкент: Балалар күнінде аз қамтылған отбасыларға көмек көрсетілді
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер