Түркістан облысы полицейлері "салафи" деструктивті-діни ағымдарды ұстанушыдан Қызыл кітапқа енген

Сайрам АПБ-ның кезекші бөліміне аудан тұрғынының бірінің үйінде дала қыраны сияқты жабайы құстар бар екендігі туралы хабарлама келіп түсті. Экологиялық қылмыстардың алдын алу жөніндегі жедел-профилактикалық іс-шаралар барысында Сайрам АПБ қызметкерлері аталған тұрғынның сарайынан екі құсты тапты. Олар ҚР "Қызыл кітабына" енгізілген екі Дала қыраны болып шықты. 

154680bd-8faa-404a-881b-1fdbe2475f60.jpg

Сондай-ақ, полицейлер күдіктінің "салафи" ағымын ұстанушы екенін анықтады. 

"Салафи" ағымы Қазақстандағы таралып жатқан деструктивті діни ағымдардың агресивті бағыты болып табылады. Салафизмнің (вахабизм) жақтастары зайырлылыққа және зайырлы мемлекетке түбегейлі қарсы. 

Ер адам "қолхатта".

Қазіргі уақытта ҚР ҚК-нің 339-бабы "Сирек кездесетін және құрып кету қаупі төнген, сондай-ақ пайдалануға тыйым салынған өсімдіктер мен жануарлар түрлерін, олардың бөліктерін немесе дериваттарын заңсыз пайдалану" бойынша сотқа дейінгі тергеу амалдары жүргізілуде.  Айғақты зат ретінде алынған Дала қырандары Шымкент қаласының хайуанаттар бағына жіберілді. Тәртіп сақшылары ер адам "Қызыл кітапқа" енген  құстарды қандай мақсатта ұстағанын анықтауда.

Түркістан облысының полиция қызметкерлері азаматтарға ҚР "Қызыл кітабына" енгізілген сирек кездесетін жануарлармен заңсыз байланыс жасап, ұстағандар  3 мың АЕК дейінгі айыппұл немесе 3 жылға дейінгі мерзімге бас бостандығынан шектеу немесе айыру түріндегі қылмыстық жауапкершілік қарастырылғанын ескертеді. 

Түркістан облысы бойынша ПД

Мүмкін сізді қызықтыратын тақырыптар:

  • Шымкент: 1 маусымнан бастап 2 095 орта және шағын бизнес нысандары қайта іске қосылады
  • Көркейту мен абаттандыру үшін Түркістан 32 секторға бөлінген
  • Шымкенттің тігін фабрикасы 1,5 млн-ға жуық өнімін экспортқа шығарады
  • Нүкте философиясы
  • Түркістанға саяхаттаушылар баратын жерімен алдын ала онлайн таныса алады
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер