Шымкент: Қоғамдық көліктер шілде айынан бастап электрондық төлем жүйесіне көшпек

Screenshot_7.jpg

Бүгін ақпараттық-коммуникациялық орталығында Шымкент қаласы әкімінің орынбасары Мақсұт Исахов, «Shymkent» ӘКК урбанистика департаментінің директоры Жеңіс Жалбыр және «QazSmartTrans» ЖШС-і директоры Сержан Ақылбаевтың қатысуымен «Жолаушыларды тасымалдау саласын реформалау» тақырыбында онлайн-брифинг өтті. 

Бррфинг барысында ең алғаш сөз алған әкім орынбасары қаламыздағы қоғамдық көліктің жұмысын жақсарту мақсатында осы жыл ішінде қолданыстағы маршруттар желісі жаңартылып, жолаушылар көлігін дамытудың кешенді схемасы әзірленетінін айтты. 

– Схеманы әзірлеуді «City Transportation Systems Transport» (Астана LRT) ЖШС-і жүзеге асырады. Ал қоғамдық көлікті жан-жақты модернизациялау, қоршаған ортаны құру, жолаушыларды тасымалдау қызметін жақсарту, қауіпсіздікті қамтамасыз ету, барлық жолды пайдаланушылар үшін қолайлы көліктің қызмет ету мерзімін сақтау және көліктің ұтқырлығын құру бойынша ауқымды жұмыстар іске асты. Бұл жұмыстар барысында «Online» режимінде қала тұрғындарының 21 мыңынан сауалнама жүргізіліп, 75%-ы қоғамдық көлікті модернизациялауды талап ететіні айқын болды. Атап айтсақ, жолаушылар қоғамдық көліктердің бағыттары өзгеруін, қызмет көрсету сапасы жақсаруын және автобустарды жаңартуды қалайтындықтарын жеткізді» – деді, Мақсұт Исахов.

Бұдан бөлек, қала әкімінің орынбасары зерттеу мен талдауды ескере отырып, төмендегілер концепциямен қарастырылатынын тілге тиек етті.

Атап өтсек:

– Қолданыстағы бағыттарды оңтайландыру және жаңа бағыттардың ашылуы; 

– Жылжымалы құрамның толық жаңартылуы;

– Транспорттық ХАБ-тарды ұйымдастыру;  

– Шет жерден келіп-кететін, радиалды, магистральдық бағыттарды ашу.  

Аталған брифинг кезінде Мақсұт Пернебайұлы реформа жайлы жан-жақты түсіндіріп, бұл өзгерістер халықтың өтінішімен, қаладағы қоғамдық көлік жұмысы барысындағы кемшіліктерді жою үшін жасалып жатқанын баса айтып өтті.

Брифингте белгілі болғандай, басты реформаның бірі – қаладағы қоғамдық көліктерге электрондық билеттендіру жүйесін енгізу. Бұл реформа «QazSmartTrans» ЖШС-нің жеке инвестициялары есебінен жүзеге асырылады. Жүйені осы жылдың шілде айында пайдалануға беру жоспарлануда.

Ширатып айтсақ, көлік картасының бағасы – 500 теңге. Карталардың 4 түрі бар. Олар – жалпы пайдаланатын карта, оқушылардың картасы, студенттік карта және тегін жүру картасы. Ал аталған жүйені қолға алған «QazSmartTrans» ЖШС-сі тарапынан көлік картасы Ұлы Отан Соғысы ардагерлері мен мүгедектеріне, тыл еңбеккерлеріне («Ерен еңбегі үшін медалімен» марапатталғандар), «Батыр ана», «Алтын алқа», «Күміс алқа» төсбелгілерімен марапатталғандар және І-топтағы көру қабілеті нашар зағип жандарға тегін таратылады.  

Брифингте «Shymkent» ӘКК урбанистика департаментінің директоры Жеңіс Қуандықұлы және «QazSmartTrans» ЖШС-і директоры Сержан Зиябекұлы жаңа өзгерістер төңірегінде сөз қозғап, арнайы карта арқылы қалай төлем жасалатыны жайлы түсіндірілді. Яғни, жолаушылар көлік картасымен SMS, QR-код, смартфонды (NFC) қолдана отырып, жол жүру ақысын төлейді. Осы ретте алдағы уақытта бұл жүйе білім ордасына да енгізіліп, оқушылар мектеп асханаларында көлік картасымен төлеу мүмкіндігі қарастырылып жатқанын айта кеткен жөн. 

Жиын соңында БАҚ өкілдері тарапынан сұрақтар қойылып, жан-жақты жауап берілді.

Мүмкін сізді қызықтыратын тақырыптар:

  • Елге келген қандастардың неше пайызы еңбекке жарамсыз
  • Қазақстандықтарға мемлекеттік қызметтердің жаңа түрлері қолжетімді
  • Мемлекет басшысы Қазақстанның шет елдердегі бірқатар Елшісін тағайындады
  • Ресей: Теракт болған күні Крокустан 5 мыңнан астам адам эвакуацияланған
  • Президент терроризмге қарсы күресте Қазақстанның Ресеймен бірге екенін растады
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер