Шымкентте еліміз бойынша алғаш рет «Apolla» рентген аппараты орнатылды

Screenshot_6.jpg

Бұл туралы ақпараттық-коммуникациялық орталығында өткен баспасөз брифингінде Шымкент қалалық Денсаулық сақтау басқармасы басшысының міндетін атқарушысы Бақытжан Позилов мәлімдеді.

– Шымкентте қалалық №2 ауруханаға компьютерлік томография және елімізде алғаш рет Италиядан әкелінген «Apolla» рентген аппараты орнатылды. Аталған құрылғының көп функционалды телебақылаушы үстелі бар. Отаның біршама түрін жасайтын құрылғы диагностиканы барлық режимде цифрлық зерттеу жүргізу мүмкіндігіне ие. Мәселен, флюроскопия, рентгенография, рентгеноскопия, томография және сатылы ангиография,  одан бөлек, жатыр ауруларының эмболизациясы мен бауырдың қатерлі ісігін емдейтін бірегей аппарат. Бұл құрылғыны құрастыру жұмыстары аяқталғаннан кейін, желтоқсан айының ортасында іске қосамыз. Ал коронавирустық инфекциясы жайлы айтсам, бүгінде қалада эпидемиологиялық ахуал тұрақты, – деді Бақытжан Жолдасбекұлы.

Спикердің сөзінше, Шымкентте әлемге әйгілі «Ульзибат» әдісімен емдейтін ресейлік дәрігер, жоғары медицина маманы Николин Валери қаладағы сал ауруына (ДЦП) шалдыққан науқас балаларды қабылдады. Қазіргі таңда 30 қараша мен 2 желтоқсан аралығында профессордың қабылдауында болған балаларға оңалту жұмыстары жүргізілуде.

Айта кетейік, қалада осы жылдың 24 наурызынан 3 желтоқсанына дейінгі аралықта COVID-19 ауруының 5 381 жағдайы (2 740 симптомды, 2 641 симптомсыз) тіркелген. Оның ішінде 5 160 науқас емделіп шыққан.

Шымкент қаласының Ақпараттық-коммуникациялық орталығы

Фото – Серік Қосай

Мүмкін сізді қызықтыратын тақырыптар:

  • Тасмағамбетовтен пәтер алған Ауған соғысы ардагерлері Тоқаевқа үндеу жасады
  • Мемлекет басшысы жаңа заңға қол қойды
  • Нұржан Жетпісбаев Jas Otan басшысы болып тағайындалды
  • Танымал шаңғышы Бурабай маңында жол апатынан қайтыс болды
  • Қазақстандық шенеунік ауыр жарақат алды
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер