Тәуелсіздік күні қарсаңында Сайрам ауданында екі мектеп пайдалануға берілді. Жаңадан ашылған Қарабұлақ ауылындағы №92 жалпы орта мектебі 600 оқушыға арналған. Мемлекеттік және өзбек тілінде білім беретін оқу ордасының жалпы аумағы 7200 шаршы метр, мектепте 29 жалпы сынып және 5 интерактивті сыныптар қарастырылған.
Ақсуабад ауылындағы жаңадан пайдалануға берілген білім ұясы 600 оқушыға арналған, мектепте 48 жалпы сынып және 6 интерактивті сыныптар қарастырылған. Білім ұясының ашылуы салтанатына Сайрам ауданының әкімі Ұ.Сәдібеков пен ауылдың беделді азаматтары, ұстаздар қауымы қатысты.