«Дикий Арман» лақап атымен белгілі Арман Жұмагелдиев өзіне жарақат келтіруіне байланысты Қылмыстық-атқару жүйесі комитеті түсініктеме берді. «Бұл сотталған адам өзіне аздап жарақат келтірді. Медициналық көмек дереу көрсетілді. Денсаулық жағдайы қанағаттанарлық. Сотталған адам ерекше бақылауда, онымен мекеме психологтарының алдын алу жұмыстары жүргізіледі. Осы факті бойынша қызметтік тексеру тағайындалды», делінген хабарламада. Естеріңізде болса 27 қаңтар күні сот Арман Жұмагелдиевті 20 жылға бас бостандығынан айырды.