Елбасының «Болашаққа бағдар: рухани жаңғы» атты бағдарламалық мақаласында елдегі тарихи танымдық дүниелерді қайта жаңғырту жайына баса назар аударылған болатын. Бүгінде бұл бағытта ауқымды жұмыстар жүргізіп, жобалар жүзеге асып жатыр. Сондай, Нұрсұлтан Әбішұлы «Ұлы даланың жеті қыры» атты мақаласында да рухани дүниелерді көздің қарашығындай қорғап, жаңғырту керектіг көлемді түсіндіріп өтті.
Жуырда Шардара ауданы аумағынан балбал тас табылған болатын. Ол біздің заманымыздағы І-ІІІ ғасырларға тиесілі. Көне ескерткіш өз заманының атақты қолбасшысына арнап жасалуы мүмкін, деген де болжам бар. Өйткені балбал тас бетінде әскери бас киім анық бейнеленген. Табылған тас мүсін мұражайдан орын алып, облыстық тарихи және мәдени ескерткіштердің мемлекеттік тізіміне енгізу жөнінде құжаттар әзірленіп жатыр.
Көне жәдігерді тапқан жер иесі – Төребековтер әулеті. Тасты Шардара су қоймасына жақын маңдағы Шекертөбе жерінде мал бағып жүріп, тауып алған. Тас мүсінді шаруа қожалық иесі мұражайға аман етті. Құнды жәдігер табылған аумақта қазба жұмыстары жүргізілуі мүмкін.
Балбал – тастан қашалып жасалған адам бейнесіндегі ескерткіш. Яғни соғу, қағу, ұру дегенді білдіретін қос сөзден тұрады. Түркологтардың пікірінше, балбал сөзі «тасты тіп-тік етіп қадап орнатқан белгілер» деген мағынаны білдіреді.
