Шардара ауданына қарасты Қ. Аманжолов атындағы жалпы орта мектебінде «Төрт тоқсан – төрт өнер» ұлттық мәдени-ағартушылық жобасы аясында 8-сынып оқушыларының қатысуымен "Тілім —тұғырым" тақырыбында айтыс өнерінің қазақ өнеріндегі маңыздылығын айқындайтын сайыс сабақ өткізді. Сабақта оқушыларға айтыстың шығу тарихы, айтыстың түрлері, қоғамдағы орны туралы мәліметтер берілді. Бейнетақтадан айтыстан үзінділер көрсетіліп, оқушылардың ой-пікірлері тыңдалды.
Сабақ соңында оқушылар Жоламан Диас пен Мәлікұлы Шапағаттың орындауында "Күй айтысы" орындалды. Іс—шараның мақсаты оқушылардың бойында өнерге деген құрметті ояту. Бұл шара рухани-адамгершілік, эстетикалық және ұлттық тұрғыдан дамудың, сондай-ақ балалар мен жасөспірімдердің патриоттық құндылықтарын қалыптастырудың негізгі факторы болып табылады.
Сонымен қатар аталған білім ұясында 6-сынып оқушыларымен айтыстың шығу тарихымен кітап көрмесі ұйымдастырылды.Кітапханашы С.Жолдыбаева Айтыс — ауыз әдебиетінде ежелден қалыптасқан поэзиялық жанр, топ алдында қолма-қол суырып салып айтылатын сөз сайысы, жыр жарысы.
Айтыс — синкреттік жанр, ол тұрмыс-салт жырларынан бастау алып, келе-келе ақындар айтысына ұласқан. Айтыста осыған орай лирикалық, эпикалық, драмалық сипаттар мол ұшырасады. Сол арқылы бұл жанр ауыз әдебиетінің өзге түрлерімен қанаттаса дамып, бір-біріне елеулі әсер-ықпал жасап отырған. Батыр және лиро-эпос жырларына да әсерін тигізіп, өзі де арнасы кең мол салаға айналған.
Қазақ халқы ежелден сөз шеберлерін, айтыс өнерін меңгерген адамдарды аса құрметтейді. Ақындар - жай ғана сөз шебері емес, олар терең білім мен өнердің нақ иесі. Бұл жанр қазақ әдебиеті мен фольклорының құрамдас бөлігі, сондай-ақ халық ауыз әдебиетінің кең тараған түрлерінің бірі. Айтыс – «қиыннан қиыстыратын» кәнігі шеберлік, алғырлық пен тапқырлықты қажет етеді. Ерте заманнан-ақ «Өнер алды – қызыл тіл» деп сөздің қадірін білген қазақ халқы жалпы әдеби мұраға, оның ішінде айшықты сөз өрнектейтін ақындар айтысына ерекше мән беріп, соны өзінің рухани өмірінің жарқын көрінісі ретінде ұрпақтан-ұрпаққа жалғастырып отырған. Бүгінде мектеп қабырғасында жас өскінге айтыстың «әліппесін» үйретіп, жаңа буынды ұлттық өнерге баулып жатса, оған қалайша қуанбассың!
Қазақстанның барлық білім беру ұйымдарында бірінші тоқсан бойы "Ақындар айтысы" суырып салма ақындар мүшәйрасы өтуде. Жоба Қазақстанның ұлттық өнерін, мәдениетін және мұрасын қолдау мен дәріптеуге арналған. Соған орай, Қазақстан бойынша жалпыұлттық идеяны жүзеге асыру мақсатында мектептерде "Ақындар айтысы" ашық сабақтары өтіп жатыр.
"Байқаудың мақсаты – айтысты қазақ халқының ұлттық құндылығы ретінде дәріптеу, баға жетпес мәдени мұрамызды шешендік өнер арқылы таныту, балаларды ұлттық рух пен отансүйгіштік, өз халқына, салт-дәстүріне деген құрмет білдіруге тәрбиелеу, дарынды шығармашыл жастарды анықтау.