Қашанда өздерінің білімімен, ізденушілік қабілеттерімен таңдандырып келе жатқан түркістандық оқушылар тағы бір белесті бағындырды. Түркия елінде өткен Халықаралық олимпиададан оқушыларымыз жеңіспен оралды!
Тарата айтсақ, 2021-2022 оқу жылында №28 мектеп-лицейінің директоры Лаззат Нысанкулова Туркия мемлекетіндегі Халықаралық Туризм және меймандостық Академиясының ректоры М.С.Мурзамадиевамен Қазақстан Республикасының 2025 жылға дейінгі даму жоспарының стратегиясын, жаратылыстану-математика бағытындағы пәндерді тереңдете оқыту, ғылыми-практикалық жобаларды жүргізу және интеллектуалдық деңгейін жан-жақты дамытуды жүзеге асыру мақсатында меморандумға отырған болатын. Осы меморандум аясында аталған Академияның шақыртуымен оқушыларымсыз екінші рет Түркияда өткен Халықаралық олимпиадаға қатысып, жүлдегер атанып қайтты.
Бір апта бауырлас елде болған оқушыларымыз Анталья қаласындағы «Туризм Академиясының» жыл сайынғы ұйымдастыруымен 2-4, 5-9, 10-11 сынып оқушылары арасында жалпы білім беретін пәндерден өткізілген XV Халықаралық олимпиадада Ресей, Әзірбайжан, Өзбекстан, Кения, Нидерландия, Украина, Алжир, Иран, Ливан, т.б мемлекеттерден келген қатарластарымен білім сайыстырды. Математика, ментальды арифметика, орыс тілі, ағылшын тілі, физика, химия, биология, түрік тілі, география, дүниежүзі тарихы, бейнелеу өнері қоршаған орта пәндерінен өткен олимпиадаға №28 мектеп-лицейінен 12 оқушы қатысып, 11 оқушы жүлделі орындарға ие болды. Атап айтсақ, 9-сынып оқушысы Абдулла Ғазиза орыс тілі пәнінен ІІІ орын (жетекшісі Г.А.Копбаева), 8-сынып оқушысы Болатхан Назерке биология пәнінен ІІІ орын (жетекшісі М.Амангелді), 8-сынып оқушысы Тынышбек Бектұр тарих пәнінен ІІ орын (жетекшісі Л.М.Айымбетова), 8-сынып оқушысы Мейрамбекқызы Нинель орыс тілі пәнінен ІІІ орын (жетекшісі Г.А.Копбаева), 5-сынып оқушысы Абылқасымова Кәусар орыс тілі пәнінен ІІІ орын (жетекшісі М.Б.Жолдыбаева), 10-сынып оқушысы Даулеталлина Мөлдір орыс пәнінен ІІІ орын (жетекшісі Г.А.Копбаева), 10-сынып оқушысы Даулеталлин Абдуәлім «Мистер Олимпиада» номинациясы, 8-сынып оқушысы Асланұлы Ернұр география пәнінен ІІІ орын (жетекшісі Л.Ж.Нысанкулова), 11-сынып оқушысы Затай Қалбибі бейнелеу өнерінен (анималистика жанры) І орын (жетекшісі С.А.Кинабаев), 5-сынып оқушысы Саңғылбай Шұғыла математика пәнінен ІІІ орын (жетекшісі О.Б.Турдиева), 10-сынып оқушысы Лесбай Мөлдір география пәнінен ІІ орын (жетекшісі Л.Ж.Нысанкулова), биология пәнінен ІІІ орын (жетекшісі Ш.Нарзен, Қ.Қадырбек) иегерлері атанды.
Оқушылар «Сәттілік сәті» командалық жарысынан жүлделі ІІІ орынды жеңіп алып, кубок иеленді.
Жеңімпаз оқушыларды мектеп ұжымы мен ата-аналар оқушыларды Түркістан әуежайынан салтанатты түрде күтіп алды, зор қошемет көрсетті.