Түркістан қалалық білім бөлімінің жоспарына сәйкес бөлім басшысы Қолдасова Оразкүл Шайхықызының қолдауымен Ө.Жәнібеков атындағы №27 IT мектеп-лицейінің базасында "Ақберен" республикалық байқауының қалалық кезеңі болып өтті. Байқауға қала мектептерінен 200-ден астам оқушы қатысып, 6 кезең бойынша бақтарын сынады. Атап айтар болсақ, "Ақындар айтысы", " Көркем сөз оқу", "Шешендік білгірлер сайысы", "Эссе байқауы", "Ұлттық аспапта өнер көрсету" және "Ақындар мүшәйрасы" кезеңдерінде дарындылықтары мен өнерлерін көрсетті.
Байқау нәтижесі бойынша қазылар алқасының шешімімен "Ақындар айтысы" кезеңі бойынша №28 мектеп-лицейінің 9-сынып оқушысы Бекарысұлы Шахмардан, "Ақындар мүшәйрасы" кезеңі бойынша №16 Т.Бигелдинов атындағы жалпы білім беретін мектебінің 9-сынып оқушысы Исахан Қасымхан, "Эссе байқауы" кезеңі бойынша №4 С.Сейфуллин атындағы мектеп-лицейінің 10-сынып оқушысы Мырзахан Арайлым, "Шешендік білгірлер сайысы" бойынша №27 Ө.Жәнібеков атындағы IT мектеп-лицейінің 9-сынып оқушысы Жұман Қарақат, "Көркем сөз оқу" кезеңі бойынша №28 мектеп-лицейінің 10-сынып оқушысы Амангелді Сезім және "Ұлттық аспапта өнер көрсету" кезеңі бойынша №1 А.Байтұрсынов атындағы мектеп-лицейінің 8-сынып оқушысы Бейсенбай Айбарлы жеңімпаз атанып, облыстық кезеңге жолдама алды.