Түлкібас ауданында өнерлі жастар көп. Соның бірі Түлкібас ауданының білім бөліміне қарасты Абай атындағы мектеп-лицейінің 10 ә сыныбының оқушысы Рамазан Қуан.
Оның жетекшісі Раушан Нұржанованың дайындауымен Рамазан Түркістан облысының білім басқармасына қарасты «Облыстық қосымша білім беруді дамыту орталығы» каммуналдық мемлекеттік мекемесі тарапынан ұйымдастырылған «Көк тудың желбірегені» атты облыс оқушылары арасында ақындар айтысына қатысып, жүлделі оралды.
Абай атындағы мектеп-лицей директоры Н.Сагиндыковтың айтуынша, ауданда білімді, өнерлі жастар көп екен. «Төрт тоқсан-төрт өнер» ұлттық мәдени-ағартушылық жобасының іске асырылуы мақсатында оқушыларға айтыс өнері туралы айтыста оқушымыз жүлделі орыннан көрінді. Бабаларымыздан мұра болып қалған төл өнерімізді ары қарай дамыту арқылы ел арасынан шыққан талантты жастарды біз әрқашанда жоғары бағалаймыз. Біздің шәкіртіміз Қуан Рамазан жүлделі III орынды иеленіп және қаржылай 50 мың теңге сыйақымен марапатталды, - деген мектеп- лицей директоры Н. Сагиндыков жеңімпаз оқушымыны өзі жеңісімен құттықтады.
Сонымен қатар түлкібастық тағы бір оқушы «Ақберен» республикалық өнер байқауы ның облыстық кезеңінен Республикаға жолдама алды.
Ол байқауға 16 ауданнан іріктелген дарынды, өнерлі оқушылар қатысты. Байқауға Түлкібас ауданының білім бөліміне қарасты білім беру ұйымдарынан аудандық кезең жеңімпаздары, 5 оқушымыз қатысқан еді.Байқаудың мақсаты 8-11-сыныптың шығармашыл оқушыларының гуманитарлық-эстетикалық ғылымдар саласында кәсіптік қызметін таңдауда шығармашылық қабілетін, өлең жазуын, тапқырлық қырын, дарынын танытуға қолдау көрсетіп, ары қарай дамуына жол ашу.
Байқауда оқушылар Шешендік білгірлік сайысы, Көркемсөз оқу, Эссе жазу, Ұлттық аспапта өнер көрсету, Ақындар айтысы. Байқау жоғары деңгейде өтті. Оқушыларымыз үлкен дайындықпен келген.
Облыстық байқаудың қорытындысы бойынша Түлкібас ауданының намысын қорғап барған оқушыларымыз жеңіспен оралды. Атап айтар болсақ, Шешендік, білгірлік сайысы бойынша Абай атындағы мектеп-лицейінің 9-сынып оқушысы Эльдана Жайықбек жүлделі 1-орынды, Көркемсөз оқу бойынша Ю.Гагарин атындағы орта мектеп оқушысы оқушысы Сағындық Сұлтан жүлделі 2-орынды, Ақындар мүшәйрасы бойынша Т.Рысқұлов атындағы орта мектептің 10-сынып оқушысы Балқыбек Абзал 1-орынды иеленіп, Республикалық кезеңге жолдама алды.
