Отырар ауданында пән мұғалімдерінің аудан және облыс деңгейінде жеткен жетістіктері аз емес. Аудандық білім бөлімінің әдістемелік кабинетінің мамандарының айтуынша, жуырда өткен «Үздік мұғалім – 2023» байқауы өткізілген.
«Пән мұғалімдері арасындағы байқау жыл сайын жоспарлы түрде ұйымдастырылып келеді. Байқауды өткізгендегі негізгі мақсаты шығармашылықпен жұмыс істейтін педагогтардың біліктілігін айқындау, олардың ғылыми-әдістемелік қызметін ынталандыру. Білімді, білікті және белсенді ұстаздарға қолдау көрсету, мұғалімдердің педагогикалық жаңа идеялар мен инновациялық технологияларды ендірудегі мәлімет базасын кеңейту, озат тәжірибелерді насихаттау міндеті болып табылады», - дейді әдістемелік кабинеттің мамандары.
Аудандық байқауға қатысқан мұғалімдер өз тәжірибелері мен біліктіліктерін ортаға сала отырып, шеберліктерін көрсетті. Байқау қорытындысында «Үздік мұғалім - 2023» байқауының бас жүлдесіне аудандағы М.Әуезов атындағы жалпы білім беретін мектебінің география пәнінің мұғалімі Аийда Жанбатырова ие болды. Аудандық кәсіподақ төрағасы Е.Қасым барлық марапат иелеріне бағалы сыйлықтар тапсырды.
- Ұстаздық – киелі әpi өте қарапайым мамандық. Жер жаһанда адамзат баласы пайда болғаннан бepi әрбір пендені ойландырып, толғандырып келе жатқан қоғам құрылып жатса да, қажеттігін жоймайтын бip мәселе ол – баланы өмip сүруге дайындау. Бұл – қиынның қиыны! Ертеңгі мемлекеттің болмысы – бүгінгі ұстаздың тәлімінде. Сондықтан да шәкірттерге берері мен үйретері көп ұстаздарға еңбекқорлық пен табандылық тілей отырып, болашақтарыңыз – берік, келешектеріңіз - кемел болсын дегіміз келеді, - дейді аудандық кәсіподақ төрағасы Е.Қасым.
