Түлкібас ауданына қарасты білім ошақтарында пән мұғалімдерінің ұйымдастыруындағы ашық сабақтар, семинарлар мен дөңгелек үстелдер жалғасын табуда. Аудандық білім бөлімінің жоспарына сәйкес өткізілген іс-шараның бірінде Т.Рысқұлов атындағы жалпы білім беретін мектебінде «Мектеп менің – Отбасым!» жобасы аясында география пәнінің мұғалімі Т.Базарбаев 7 «Б»сынып оқушыларымен география пәнінен ашық сабақ өткізді.
«Мен сабағымды түрлендіріп өтуге тырыстым. Түрлі әдіс-тәсілдерді қолдан отырып «Қолайсыз атмосфералық құбылыстарынан қалай сақтануға болады?» атты ашық сабақты барынша ашуға, мақсатыма жетуге күш салдым. Мәселен, оқулықта оқыту бағдарламасына сәйкес оқыту мақсаттары: 7.3.2.7-жергілікті компонентті қосымша қамту негізінде қолайсыз атмосфералық құбылыстарды талдай отырып, сақтану шараларын ұсынады. Сабақ барысында Өткен материалды Үй тапсырмасын тексеру «+» немесе «-» әдіс арқылы оқушылар қолайсыз атмосфералық құбылыстарының суреттері арқылы үш топқа бөлінді. 1топ – дауыл, 2 топ – бұршақ, 3 топ – құйын. Сөйтіп топтық жұмыс ашық сабақ барысында өз нәтижесін берді», дейді Т.Базарбаев.
- Сабақтың тақырыбы жан жақты ашылып, мақсаттарына жетті. Сол мақсаттарына жету үшін мұғалім сабағын «Назар сал» әдісі арқылы тақырыпты ашты. Сонымен қатар «Көріп отырған суреттер туралы не айта аламыз?», «Қандай қолайсыз атмосфералық құбылыстарды білеміз?», атты сұрақтар аясында оқушылар ой-пікірлерін ортаға салып, сұраққа жауап іздеді. Олардың да бұл тұрғыда пікірі тыңдалды, олар өз ойларын ортаға сала отырып, соңында ортақ бір қорытындыға келеді. Жалпы сабақ барысында топтық жұмыс өз нәтижесін берді. Оқушылар суреттер бойынша да, берілген тапсырмаларға да қарап, ауызша өз ойларын айтып шықты.Мұғаліммен оқушылар арасындағы қарым-қатынас, отанға деген сүйіспеншілік, жетістікке жету үшін бірлескен әрекетті, анық көрсете білді», - дейді әріптестері
Сондай-ақ, аудандық білім бөлімінің ұйымдастыруымен Б.Момышұлы атындағы жалпы білім беретін мектебінде ұйымдастырылған «Қазақ тілі -өрісі кең әлем» атты оқушылар арасында өткен дебат та көпшіліктің көңілінде әсерлі көңіл-күй қалдырды. Оған 10-11-сыныптар арасынан ең таңдаулы оқушылар қатысып, 4 топ құрады. Әр топ 1 лидер, 1 спикерден құралған.
Оқушылар дебат барысында ұтымды, ұтқыр ойларын ортаға салып, мемлекеттік тілдің аясын аша түсу мақсатында еркін пікір алмасты. Олар ең бастысы қазақ тілдің маңыздылығын түсінді, шешендік өнер мен көпшілік алдында сөйлеуде үлкен тәжірибе қажет екенін ұғынды. «Ұлттың сақталуына да, жоғалуына да себеп болатын нәрсенің ең қуаттысы – тілі. «Сөзі жоғалған жұрттың өзі де жоғалады», - деп Ахмет Байтұрсынов айтып кеткендей, Өмірдегі ең қуатты дүние - тіл. Сол тіл мен шешендік өнерді ұштастыру арқылы дебат сайысымыз қызықты пікірталас пен бәсекеге толы болды» дейді осы дебатқа жауатым маман Базарова.
