Бәрі де жастар үшін...

Screenshot_7.jpg         

Түркістан облыстық жастар ресурстық орталығының ұйымдастыруымен «Turkistan Jastar fest» көше мәдениетінің жазғы фестивалі ашық деп жарияланды. 

      «Жастар жылы» аясында  «Рәміздер алаңы» маңында өткізілген концерт Түркістан облысының құрылуына бір жыл толуына орайластырылған. Фестиваль барысында келушілердің көңіл – күйін көтеру мақсатында түрлі би толқындары жасалып, жастардың стилінде рэп бағытында әндер айтылды. Мұнда ең басты Headliner Q-pop ханшайымы Ziruza және рэпер Baller. Сонымен қатар, «Zlotnikov Dance» клубының бишілері би алаңын жандыра түсті. Ал, кеш жүргізушілері MC Marusho және DJ Steppa-T концерт көркін қыздыра түсті. Сонымен қатар, фестивальде «Street Workout», «Street Ball», «RAP battles», «Street dance», «Karaoke party», «Домбыра», «Гитара party» алаңдары ашылды. Алдағы уақытта фестиваль аясында осы бағыттар бойынша сайыстар ұйымдастырылып, жастар бәсекеге түсетін болады. Ең үздік өнер көрсеткен қатысушыларға 5 млн. теңге көлемінде ұтыстар ойнатылады. 

        «Үш ай жазда жастарға арналған осындай  іс–шаралар өткізіліп отырады. Жаз соңында қорытындысын осы алаңнан тамашалай аласыздар. Көбінесе фестиваль Жеңіс саябағы мен «Рәміздер алаңында» өткізілетін болады. Жастар, фестивалдің қызықты өтуін қаласаңыздар «Turkistan Jastar Fest»-ке қолдау көрсетіңіздер», - деді «Түркістан Жастар Фестивалі» жобасының авторы Сәкен Қалқаманов. 

         Бүгінгі фестиваль «White Party» аталымын алғандықтан, келушілердің көпшілігі ақ киіммен келді. Концерттің бұлай аталу себебі, ол белгілі бір ұйымның имиджін сақтап тұру үшін қолданылады. Алғаш бұл термин Англияда пайда болған. Қазіргі таңда, «White party» жобасы кез – келген ортада адамның мәдениеттілігін көрсететін бастапқы санатқа айналды. Фестиваль үш айға созылады. Жастарға тиімді уақыт ретінде аптаның жұма, сенбі, жексенбі күндері белгіленіп алынды. Алдағы уақытта, фестиваль алаңы қызықтарға толы болмақ. 



Мүмкін сізді қызықтыратын тақырыптар:

  • «Әлмерек Жаншықұлы және оның өнегесі» атты жыр мүшәйрасы
  • Ерекше балаларға ерекше қолдау керек
  • Жетісайда өнертапқыштар сайысты өтті
  • Ата-аналар үшін тренинг өтті
  • Сайрам ауданында оқушылардың іріктеу пікірсайысы өтті
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер