Қиын сәтте жақыныңа қол ұшын созу қазақтың қанына сіңген қасиет. Ел басына күн туғанда жұдырықтай жұмыла әрекет ету кез келген мәселенің шешімі. Қазір бүкіл әлемде коронавирус эпидемиясымен күрес болып жатыр. Індет қаншама адамның жанын алып қана қоймай, әлем елдерінің экономикасына да залалын алып келді.
Қатерлі дерттің елімізде кең етек жаюына байланысты өңірімізде медициналық бет пердеге сұраныстың күрт артқаны белгілі. Осы орайда, Түлкібас ауданында бұл жұмыс жақсы жолға қойылды.
Әкімдіктің ұйымдастыруымен ерікті тұрғындар арқылы кәсіпкерлерге және білім ұяларындағы еңбек пәнінің мұғалімдеріне қажетті құрал-саймандарын сатып алып беру арқылы бетперде тігу ұйымдастырылды. Игі іске қолқабыс тигізушілер көбейіп келеді. Тиімді жұмыс өз нәтижесін беруде.
Бүгінде 112 мыңнан астам халқы бар ауданның 15 ауылдық округінің аумағында халық көп шоғырланатын орындарда және мекемелерде барлығы 135 мыңнан астам медициналық бетперде тегін таратылды. Сауап іске әкімдік қызметкерлері мен еріктілер